Skólastarfið hófst í morgun með kennslu í móðurmáli og stærðfræði eins og aðra morgna. Kennarahópurinn kom heim á laugardeginum eftir námsferð í Reykjanesbæ, þangað fóru allir úr leik- og grunnskólum sveitarfélagsins til að kynna sér breyttar áherslur í skólunum þar. Í Reykjanesbæ er lögð ofur áhersla á læsi og að grípa strax inní ef nemendur ná ekki tökum á lestri, lestur er síðan þjálfaður markvisst bæði heima og í skólunum því fluglæs börn hafa forskot á torlæs börn þegar kemur að því að tileinka sér námsefni af ýmsu tagi. Markmiðið þarf því að vera að hjálpa hverjum nemanda til að ná sem bestum tökum á lestri og læsi, það er ekki nóg að geta skautað í gegnum texta, það þarf líka að skilja efnið. Það verður spennandi að sjá hvernig útfærslan á þessu verður í okkar skólum: Grunnskólanum í Hofgarði, Grunnskóla Hornafjarðar, leikskólanum Lönguhólum og leikskólanum Krakkakoti.

ummæli