Skólastarfið hefur farið vel af stað og nemendur unnið vel. Fyrsta sundferð vetrarins var farin 18.september, fimmta og síðasta sundferðin á þessari önn verður 20.október. Hópurinn fór með skólabílnum austur á Höfn þar sem nemendur fóru í heimsókn til jafnaldra sinna í Grunnskóla Hornafjarðar, það er alltaf gaman að kynnast og samskipti nemenda skólanna aukast eftir því sem nemendur verða eldri. Eftir skólaheimsóknina hófst sundkennslan. Í síðustu viku komu nemendur frá Grunnskóla Hornafjarðar í námsferð í Öræfin og gistu í Hofgarði, þar á meðal voru tveir nemendur sem höfðu verið í grunnskólanum hér áður en fjölskyldurnar fluttu austur á Höfn.

Nú er kominn nýr vegur að skólanum: í stað þess að ekið sé beint upp að Hofgarði frá þjóðveginum verður framvegis beygt inn afleggjarann að Hofi og þaðan ekið að bílastæðinu við Hofgarð. Þetta er liður í að auka öryggi barna á skólalóðinni og einnig þeirra sem eiga erindi í Hofgarð.

ummæli