Skóladagurinn hófst seinna en venjulega vegna mikils vindhraða í Sandfelli; mesta vindhviðan þar í morgun nálgaðist 48 m/s. En veðrið var fljótt að ganga niður og þá gátum við mætt í skólann. Uppúr klukkan tvö kom góður hópur gesta í skólann til að taka þátt í dagskrá vegna Dags íslenskrar tungu:

1. Myndum af ýmsum þekktum stöðum í Vestmannaeyjum var varpað á tjald. Einnig var bent á ýmiskonar fróðleik sem búið var að festa upp á vegg í sal skólans ásamt myndum sem nemendur höfðu teiknað.
2. Nemendur lásu frásögn um Tyrkjaránið
3. Allir sungu saman nokkur lög sem tengdust Vestmannaeyjum.
4. Myndasýning; þar voru sýndar myndir úr skólaferðalagi til Vestmannaeyja í maí síðastliðinn.
5. Veitingar: kaffi, mjólk, sérbökuð vínarbrauð, hrökkbrauð og kex.
6. Spjall og líflegar umræður, þeir sem vildu gátu botnað vísur eftir Ragnar Inga Aðalsteinsson, en fyrripartar eftir hann voru á borðunum.

ummæli