Nú er komið fram í september og dagarnir orðnir nokkuð hefðbundnir, þessa stundina sitja nemendur við stærðfræðivinnu. Hjóladagar hófust í síðustu viku þannig að allir nemendur geta hjólað að vild í frímínútum og er það vel nýtt. Í síðustu viku eyddum við einum skóladegi í Skaftafelli í dásamlegu veðri. Þegar við kennararnir fórum til Brighton í apríl síðastliðinn þá vörðum við einum rigningardegi í Stamner skógi við útinám, það var mjög skemmtilegt en auðvitað er enn meira gaman þegar hittist á gott veður í útinámi. Við erum auðvitað heppin hér í Grsk. í Hofgarði hvað við höfum góða aðstöðu til útivistar við skólann, skólalóðin er stór og hægt að ganga út á móann ofan við skólann og um næsta nágrenni án þess að fara út á þjóðveginn. Í síðustu viku voru settar upp nýjar rólur og gengið frá gúmmímottum undir þær, rólurnar sem fyrir voru höfðu verið mikið notaðar um árabil en það þarf stundum að endurnýja búnað.

ummæli