Í gærmorgun fengum við danskan farandkennara í heimsókn, hann starfar í skólanum á Höfn og ætlar að koma oftar til okkar til að þjálfa nemendur í dönsku. Það verður skemmtilegt. Svo fórum við öll austur á Höfn, fengum að vera í fáeinum kennslustundum í Grunnskóla Hornafjarðar, hver með sínum jafnöldrum. Eftir það var farið í sund og tveir sóttu tíma í Tónskólann. Síðan áttum við góða stund í Fab Lab smiðjunni og náðum að kynnast aðeins möguleikunum að búa til skemmtilega hluti. Um kvöldið fórum við ásamt skólafólki á Höfn á skólasýningu Hornfirska skemmtifélagsins þar sem boðið var upp á pizzuhlaðborð á undan söngskemmtuninni. Mikill dagur.