Þó að oftast sé venjuleg kennsla í skólanum er eitt og annað sem lífgar upp á. S.l. fimmtudag fór skólahópurinn í fræðslu-og skemmtiferð austur í Nes. Við fengum leyfi til að fara að víkingaþorpinu á Horni, þar var mjög skemmtilegt leiksvæði. Hádegismaturinn var snæddur í Hafnarbúðinni á Höfn og krakkarnir léku sér um stund í bátnum Akurey. Eftir hádegið var farið í fjósið á Seljavöllum og Elín bauð okkur upp á nýbakaðar pönnukökur með ískaldri mjólk. Á Miðskeri tók Pálína á móti okkur og sýnd
Við héldum forvarnadag í skólanum í dag. Eldri hópurinn horfði á myndband þar sem forsetinn okkar, Ólafur Ragnar Grímsson, skoraði á íslensk ungmenni að neyta ekki áfengis né annarra vímuefna. Í myndbandinu var sagt frá því að samverustundir með fjölskyldunni séu bestu forvarnirnar, ásamt með skipulögðu íþrótta- eða tómstundastarfi. Það skiptir miklu máli fyrir sjálfstraust og vellíðan hvers og eins að eiga áhugamál og sinna þeim, og það er lykilatriði að rækta sambandið við fjölskyldu og vini.
Á veraldarvefnum fá finna fjársjóði, alls konar gagnlegt efni, en líka alls konar ógáfulegt efni og sumt af því jafnvel skaðlegt. Á haustþingi kennara ræddum við meðal annars um gagnlegar vefslóðir og einn kennarinn sagði okkur frá slóð sem inniheldur mjög góðar leiðbeiningar í stærðfræði. Við setjum hana hér inn ef einhver skyldi hafa áhuga á að kynna sér slíkt efni: www.khanacademy.org. Það er hægt að fara inn á youtube.com og leita að kahn academy (velja svo algebru, math, physics eða annað s
Á föstudeginum komu óvæntir gestir í skólann, Kristján Þór Unnarsson þáttagerðamaður á Stöð 2 mætti til okkar ásamt myndatökumanni sem ég man því miður ekki nafnið á. Kristján Már hefur áður komið í heimsókn í skólann hér og var nú að falast eftir nýjum fréttum, hvað hefði dregið til tíðinda síðan síðast. Spurning hvort við eigum eftir að birtast í sjónvarpinu?
Þessa vikuna eru samræmd könnunarpróf hjá nemendum, eins og í öllum grunnskólum landsins. Fyrstu þrjá vikundagana eru próf fyrir 10. bekk en á fimmtudag og föstudag verða próf fyrir 4. bekk. Veðrið hefur leikið við okkur og í dag kom séra Stígur í heimsókn og spilaði fótbolta með krökkunum. Góður dagur í dag.
Síðastliðinn föstudag fengum við góða gesti í skólann. Það voru Laufey Sigurðardóttir fiðluleikari og Páll Eyjólfsson gítarleikari sem komu á vegum verkefnisins Tónlist fyrir alla. Þau spiluðu tónlist frá ýmsum tímum og kynntu hljóðfærin sín: gítarinn hans Palla var 30 ára en fiðlan hennar Laufeyjar 300 árum eldri eða 330 ára! Þetta var afar skemmtileg dagskrá og gaman að njóta hennar með fleiri góðum vinum úr Öræfum sem mættu til að hlusta með okkur. Við fengum alls konar fróðleik um tónlistina