Fréttir

Þá er skólinn kominn í gang þetta haustið. Skólasetning var í gær og mættu þar 3 nýjar fjölskyldur frá hótelinu á Hnappavöllum. Sú breyting var ákveðin í skólasamfélagi sveitarfélagsins að nokkrir nemendur okkar í elstu bekkjunum fái umsjónarkennara á Höfn og tilheyri sínum bekkjum þar, fari austur í reglulegar staðlotur en vinni þess á milli í Hofgarði hjá kennara. Þar fyrir utan eru 6 yngri nemendur komnir hér í skóla. Einnig er verið að undirbúa opnun leikskóladeildarinnar  við Hofgarð fyrir

Nú styttist til skólaloka, vorverkin eru í algleymingi með prófum, frágangi og ýmsum öðru vísi verkefnum en stundataflan segir til um þó að venjulegar kennslustundir séu einnig flesta daga. Um þessar mundir eru nemendur af og til í ferðum austur á Höfn v. sundkennslu og einnig hafa börnin fengið smíðatíma þar. Í gær var farið í þjóðgarðinn í Skaftafelli í ruslatínslu og á eftir voru grillaðar pylsur. Og bráðum förum við að huga að kartöfluræktun skólans fyrir mötuneyti næsta skólaárs. Nokkrir fr

Nú er stutt á milli hátíða í Hofgarði. Góuhófið var um síðustu helgi og var eins og jafnan frábær veisla og góð skemmtun.                                                                                                                                         Árshátíð skólans verður haldin í kvöld, veisluföngin eru farin að streyma að og stefnir í góðar kaffiveitingar eftir dagskrá nemenda sem verður hefðbundin, leikþættir, tónlist o.fl. Það ætlar að viðra vel á árshátíðargesti.

Það eru ekki ný tíðindi að það snjói á þorra en þetta er með meira móti hjá okkur um þessar mundir og nóg að gera hjá bændum að moka stéttarnar hver hjá sér og heimreiðar. Í gærkvöldi var þjóðveginum lokað í gegnum sveitina vegna þess að snjór hlóðst niður og það var mjög blint að keyra. Þar sem margir voru þó á ferðinni í gær þurfti að opna fjöldahjálparstöð í Hofgarði til að hýsa þá sem ekki komust fyrir á nærliggjandi hótelum og gistihúsum og gistu nálægt 30 erlendir ferðamenn í Hofgarði auk

Skólinn hófst eftir jólafrí á mánudeginum 4. jan. Eftir nokkrar vangaveltur var ákveðið að þjófstarta þorrablóti skólans svo um munaði og halda það fyrstu helgina eftir að skólinn byrjaði og stefnt að föstudeginum. Vinnuvikan endaði þó öðruvísi en ætlað var, því að það hvessti með látum á fimmtudeginum og var ekki farandi um fyrr en veðrinu slotaði að mestu leyti á laugardeginum. Það var því hvorki skólastarf né þorrablót á föstudeginum en á laugardagskvöld þann 9. jan. var haldið ágætt þorrabló

Í dag höldum við upp á dag íslenskrar tungu sem var reyndar í gær 16. nóvember á fæðingardegi Jónasar Hallgrímssonar. Það mætti örugglega finna þó nokkur orð yfir veður á þessum degi því að það var nokkuð misjafnt í sveitinni í gær. Víðast hvar var einhver vindur, a.m.k. gola eða venjulegt rok, en sums staðar logn á milli strjálla hviða sem urðu í sumum tilfellum þó nokkuð miklar rokur. Í Sandfelli hlýtur það að hafa talist ofsarok en þar mældist vindstyrkurinn mest 45 m/sek. Fárviðri kallast þa